20. മറവി

നിന്‍റെ ചിരികളില്‍ എന്നെ കൂടി ഓര്‍ത്താല്‍ നന്ന്.

കൂടെ ചിരിക്കാന്‍ ഇന്നു ഞാന്‍ ഉണ്ട്.

നിന്‍റെ കരച്ചിലുകളില്‍ എന്നെ കൂടി ഓര്‍ത്താല്‍ നന്ന്.

കൂടെ കരയാന്‍ ഇന്നു ഞാന്‍ ഉണ്ട്.

നിന്‍റെ മറവികളില്‍ എന്നെ ചവിട്ടി താഴ്താതിരുന്നാല്‍ ,

ഇരുട്ടിന്റെ ചായം വാരി തേക്കാതിരുന്നാല്‍ ,

ഉഗ്രതാപത്താല്‍ എന്നെ ഉരുക്കാതിരുന്നാല്‍ ,

കണ്ണുകള്‍ ഇറുക്കി അടക്കാതിരുന്നാല്‍ ,

വിഷം പുരട്ടിയ വാക്കുകളാല്‍ കുത്തി നോവിക്കാതിരുന്നാല്‍ ,

ഒരു പക്ഷെ അല്‍പ സമയം കൂടി നിന്‍റെ ഓര്‍മകളില്‍

ജീവനുള്ള ഓര്‍മയായ്‌ ഞാന്‍ ജിവിച്ചെക്കാം .

എങ്കിലും എന്റെ ഇഷ്ട്ടം അല്ല ; നിന്റെ ഇഷ്ട്ടം നിറവെറട്ടെ.



:: If you like the photo say that to the photographer at:

http://www.flickr.com/photos/monkeyrivertown/2136674759

19. ഭക്തി

ദൈവം സ്നേഹം ആണെന്ന് അവര്‍ പറഞ്ഞു.

അങ്ങനെ തന്നെ എന്ന് ഞാന്‍ കരുതി.

ദൈവം സ്നേഹം ആകുമ്പോള്‍

പ്രണയവും ദൈവം ആയിരിക്കണം.

എനിക്ക് ദൈവത്തെ അറിയാമെന്ന് കരുതി.

എനിക്ക് പ്രണയത്തെ അറിയാമെന്ന് കരുതി.

ഞാന്‍ ദൈവത്തെ കണ്ടെത്തി എന്ന് കരുതി.

ഞാന്‍ പ്രണയത്തെ കണ്ടെത്തി എന്ന് കരുതി.

കണ്ടത് ദൈവത്തെ അല്ലെന്നു അവള്‍ പറഞ്ഞു.

കൊണ്ടത് പ്രണയത്തെ അല്ലെന്നു അവള്‍ പറഞ്ഞു.

അവള്‍ പറഞ്ഞതു ശരി ആയിരിക്കണം.

എനിക്കായ് ഒരീശ്വരന്‍ ജനിക്കേണ്ടി ഇരിക്കുന്നു.